3.Сургалт бэлтгэлийн талаар
Отрядын бие бүрэлдэхүүнд Онцгой Байдлын Ерөнхий Газрын даргын баталсан 416 цагийн давтан сургалтыг зохион явуулж гамшиг ослоос урьдчилан сэргийлэх , аврах , хор уршгийг арилгах , сэргээн босгох ажиллагаанд мэргэшүүлэн сургаж байна. Отрядын тусгай төлөвлөгөөгөөр Нийслэлийн Усан Спорт Сургалтын төвийн усан бассейнд аврагч бүрэлдэхүүнийг мэргэшүүлэн дадлагжуулж байгаагаас гадна Англи хэлний анхан шатны сургалт , бялдаржуулах дамжааг тус тус хичээллүүлж жил бүр ГССЗКлиник эмнэлэг , Түлэнхийн төв , Шүүх эмнэлэгүүдэд дадлага сургууль хийлгэж сэтгэл зүйн бэлтгэлийг дээшлүүлэх сургалт дадлагыг зохион явуулж байна. Отрядын аврагч нарыг гадаад улсуудад мэргэжлийн дагуу мэргэшүүлэн сургаж байгаа бөгөөд Солонгос улсад -1 аврагч , Белоруссь улсад 3 аврагч , Турк улсад 3 аврагч, ОХУлсад 4 аврагч, Буриад улсад 2 аврагч , Хятад улсад 1 аврагчыг тус тус сургаж ур чадварыг нь дээшлүүлсэн Одоо тус отрядад дээд боловсролтой 7 хүн , тусгай дунд боловсролтой 10 хүн , бүрэн дунд боловсролтой 14 хүн ажиллаж байгаа бөгөөд үүнээс цэргийн мэрэгжлийн 2 дугаар зэрэгтэй 10 хүн, 3 дугаар зэрэгтэй 3 хүн , шүхрийн спортын дэд мастер 1 хүн , 1 дүгээр зэрэгтэй 5 хүн , 2 дугаар зэрэгтэй 7 хүн , 3 дугаар зэрэгтэй 6 хүн тус тус ажиллаж байна.
No comments:
Post a Comment