КИНО ЕРТӨНЦӨӨР АЯЛЦГААЯ

Герман-Францын соёлын өдрүүд эхэллээ.
2009 оны 10-р сарын 19-ний өдрөөс 10-р сарын 24-ний өдрийг хүртэл Герман-Францын кино өдрүүдийг ХБНГУ, Францын ЭСЯамд болон Аллианс Франсез буюу Монгол-Францын төв, Гёте-Институт гэсэн 4 байгууллага хамтран Улаанбаатар хотноо Өргөө Синема кинотеатрт хоёр дахь удаагаа зохион байгуулж байна.
Тус арга хэмжээг “Герман-Францын соёлын сан”-гаас санхүүжүүлсэн ба сан нь жил бүр ХБНГУ, Франц улсын гуравдагч оронд хамтран зохион байгуулж буй хурал зөвөлгөөн, кино наадам, концертыг санхүүжүүлдэг байгууллага юм.
Наадмын үеэр 6 өргөн дэлгэцийн уран сайхны киног үзүүлэх бөгөөд 3 герман, 3 франц киног монгол хэл дээр хадмал орчуулгатайгаар гаргана. Эдгээр кинонууд нь инээдмийн, уянгын, хайр дурлалын сэдэвтэй бөгөөд бүх насныханд зориулагдсан юм.
Энэ жилийн хувьд кино өдрүүдийг зөвхөн нийслэл хот төдийгүй Дархан, Эрдэнэт хотуудад өргөтгөн зохион байгуулж байгаа нь орон нутагт үргэлж өсөн нэмэгдэж байгаа Европын хэл, соёлын хэрэгцээнд бодитой хувь нэмэр оруулж байна.
Кино өдөрлөгийн хуваарь:
Өдөр
Кино үзвэрийн нэр
10.19
“Нарны өргөн чөлөө” УСК /Герман 1998/99, 86 мин, Найруулагч: Леандэр Хаусманн/
10.20
“Буудайн нууц” УСК /Франц 2007, 151 мин, Найруулагч: Абдел Асиф Кешиш/
10.21
“Жаргалын хязгаар” УСК /Герман 2006, 103 мин, Найруулагч: Свен Таддикэн/
10.22
“Амьдралын дүр” УСК /Франц 2004, 102 мин, Найруулагч: Франсуа Фавра/
10.23
“Бүргэдийн дуудлага” УСК
10.24
“Нөхөрлөл” УСК /Герман 1998, 101 мин, Найруулагч: Каролинэ Линк/, “Хатгамалчид” УСК /Франц 2004, 89 мин, Найруулагч: Элеонор Фуше/